Wafdi uu hogaaminayey Guddoomiyaha Hay’adda Maareynta Musiiboyinka Qaranka Soomaaliyed ee SoDMA Mudane Maxamuud Macalim Cabdulle ayaa maanta Gaaray Magaalada Garoowe ee Xarunta Maamulka Puntland,iyadoo halkaas ay ku soodhaweeyeen Wasiiro iyo masuuliyiin katirsan Maamulkaas.
Wafdigaan waxaa qeybka ah Masuuliyiin katirsan Hay’adda King salmaan ee Boqortooyada Sacuudiga,iyo Masuuliyiin kale oo SoDMA katirsan.
Ujeedka wafdiga Guddoomiyaha ayaa ah ukuur galida xaalada bini’aadanimo ee ka jirta xiroyinka barakacyaasha garoowe oo ay ku jiraan boqolaal barakacyaal ah oo ka soo barakacay Laascaanood, u kuurgalida xaladaha nololeed ee bini’aadanimo ee ka jira deeganada puntland oo ay ku suganyihiin boqolaal dad ah oo sameen ku yeelatay abaartii dalka ku dhufutay.
Wasiirka wasaarada gargaarka maamulka puntland Abdullaahi Abdi Hirsi ayaa wafdigaan ku soodhaweeyey puntland.
Guddoomiyaha Hay’adda Maareynta Musiiboyinka Qaranka Soomaaliyed ee SoDMA Mudane Maxamuud Macalim Cabdulle ayaa kawarbixiyey ujeedka socdaalkiisa garoowe.
Madax qeybta africa ee hay’adda King salmaan mr Yasiid xamuud qeybna ka ahaa wafdiga Guddoomiyaha Hay’adda Maareynta ayaa sheegay sidan.
Maahan markii ugu horeysay ee puntland uu yimaado Guddoomiyaha Hay’adda Maareynta Musiiboyinka Qaranka, isaga oo ay xusid mudantahay in hore garoowe u keenay shixnado gargaar ah oo loogu talagalay shacabka ku barakacay dagaalada ka socda lascaanood.
Associated
