Xiisad dagaal iyo abaabul ciidan ayaa mar kale laga dareemaya jiidda Laascaanood.
Ciidamada SSC-Khaatumo iyo kuwa Somaliland oo shalay ku dagaallamay jiiddaas ayaa mar kale wada dhaq dhaqaaqyo ciidan.
Dagaalkii shalay oo saacado badan qaatay ayaa laga soo weriyay khasaare kala duwan oo labada dhinac ah inkastoo aan tiro koob sugan laga helin.
Colaadda Laascaanood ayaa taagan in lix bilood tan iyo markii uu bilowday dagaalka Somaliland ku soo qaaday dadka degaanka 6 February ee sannadkan.
Inaas kadib waxa socday dagaallada oo khasaare ba’an geystay waxaana Somaliland marar kala duwan diiday in ay ciidankeeda soo duulay kala baxdo degaanka.
PUNTLAND POST
