Wararka ka imaanaya degmada Yeyle oo ka tirsan Gobolka Sool ayaa sheegaya in Somaliland ciidamo soo dhoobtay duleedka degmadaasi.
Ciidamada Somaliland oo ay weheliyaan maleeshiya-beeleedyo la soo ururiyay ayaa sida la sheegayo saldhig ciidan ka samaystay degaanka Buq-dharkayn oo hoos yimaada degmada Yeyle.
Dadka degaanka ayaa ku soo warramaya in durba dhaq dhaqaaqyo ciidan iyo abaabul laga dareemayo tuulada Buq-dharkayn oo ay saldhig ka samaysteen ciidamada Somaliland.
Taliska Somaliland ayaa sidoo kale weli sii wada abaabulkii dagaal ee ka socday dhinaca degmada Oog halkaas oo ay ku diyaarinayaan maleeshiyaad hubaysan si ay weerar rogaal-celis ah ugu qaadaan ciidamada SSC.
Madaxweynaha Somaliland Muuse Biixi ayaa todobaadkii hore sheegay in ay ka aar-gudan doonaan xoogagga SSC-Khaatumo ee ciidamada Somaliland ku jebiyay dagaalkii Laascaanood.
PUNTLAND POST
