Isimada dhaqanka Puntland oo galabta bayaan deg deg ah ka soo saaraya xiisadda doorashada ee ka taagan Garoowe – Puntland Publish

Isimada dhaqanka Puntland oo shir deg deg ah yeeshay ayaa galabta Garoowe kaga dhawaaqaya in Puntland laga badbaadiyo qalalaase amni, kadib xiisadda ka soo korortay arrinta 17-ka xildhibaan.

Isimada dhaqanka Puntland oo bayaan soo saaraya ayaa lagu wadaa in ay ugu horrayn caddeeyaan mowqifkooda ku aaddan go’aankii masiiriga ahaa ee ka soo baxay golaha dhaqanka iyo maamulka SSC-khaatumo.

Bayaanka ayaa sidoo kale la filaya in looga hadlo xiisadda ka taaagan Garoowe ee la xiriirta arrinta 17-ka xildhibaan ee SSC oo uu suuqa ka qortay madaxweyne Deni, islamarkaana aan haysan saxiixa rasmiga ee isimada iyo cuqaasha SSC.

Bayaanka isimada dhaqanka ayaa lagu wadaa in uu xal u noqdo xiisadda ka aloosan Garoowe ee ka dhalatay shakhsiyaadka reer SSC ee uu suuqa ka qortay musharrax Siciid Deni, iyadoo marba marka ka danbaysa xiisaddani ka sii darayso.

PUNTLAND POST