Faah faahino dheeraad ah ayaa ka soo baxaya khasaaraha dhimasho iyo midka dhaawac ee ka dhashay tiro hoobiyeyaal ah oo lagu garaacay qeybo ka mid ah degmooyinka Magaalada Muqdisho.
Â
Madaafiicdan qaarkood ayaa ku hoobtay Degmada Xamar Jajab, gaar ahaan guryo ka sameysan cooshad oo ku yaalla Buundada Ansalooti, halkaasi oo ay wax ku noqdeen carruur u socotay Dugsi Quraan.
Ugu yaraan hal gabar oo da’deeda lagu sheegay 12 jir ayaa ku dhimatay, halka wiil isna 11 jir ah uu dhaawac soo gaaray kadib markii uu hoobiye ku habsaday.
Aabbaha qoyska dhibka soo gaaray ayaa sheegay in dhaawaca wiilkiisa uu ula cararay Isbitaalka Yardemeli si loola tacaalo xaaladiisa caafimaad.
Wuxuu sheegay in uu waayay cid u soo gurmato, taasi oo keentay in gabadhiisa u geeriyooto dhiig bax, isagoona ugu baaqay bulshada Soomaaliyeed in ay garab istaag u muujiyaan maadaama uu yahay aabbe dan’yar.
Sidoo kale hoobiyeyaal kale ayaa ku hoobtay Degmooyinka Waabari iyo Shangaani, kuwaasi iyana sida la sheegay ka dhashay khasaaro kala duwan, inkastoo aan la ogeyn tirada saxda ah ee dadkii ku waxyeeloobay.
Xiriiro kala duwan oo aan la sameeyay Saraakiisah Amniga nooma suuro-gelin in aan qadka ku haleelno si aan wax badan uga oggaano khasaaraha dhibta ee ka dhashay weerarkan bathroom adeegsaday madaafiicda.
Illaa hadda majirto cid sheegatay mas’uuliyadda duqeyntan, balse weerarada nuucan ayaa inta badan bathroom aaneeyaa Kooxda Al Shabaab.
