Muqdisho, 10 Could 2025 – Madaxweynaha Soomaaliya, Xasan Sheekh Maxamuud, ayaa maanta xafiiskiisa ku qaabilay Madaxweynaha SSC-Khaatumo, Cabdiqaadir Axmed Aw-Cali, oo booqasho shaqo ku yimid caasimadda Muqdisho.
Kulanka labada mas’uul ayaa diiradda lagu saaray xaaladda guud ee SSC-Khaatumo, gaar ahaan arrimaha horumarka, nabad-dhisidda, iyo dhismaha hay’adaha dowladnimada ee ka hanaqaaday deegaannada maamulkaas.
Madaxweyne Cabdiqaadir ayaa warbixin ka siiyay Madaxweyne Xasan Sheekh guulaha laga gaaray dadaallada lagu xaqiijinayo nabadda iyo horumarka deegaanada SSC-Khaatumo, isagoo hoosta ka xariiqay sida ay uga go’an tahay maamulka SSC-Khaatumo inuu kaalin mug leh ka qaato dowlad-dhiska dalka.
Sidoo kale, Madaxweynaha SSC-Khaatumo ayaa uga mahadceliyay Madaxweynaha Qaranka casuumaadda uu ugu fidiyay ka qeybgalka Golaha Wadatashiga Qaranka, iyo taageerada joogtada ah ee dowladda federaalka ay siiso SSC-Khaatumo, gaar ahaan dhinacyada horumarinta hay’adaha maamulka iyo ilaalinta midnimada dhuleed ee dalka Soomaaliya.
Madaxweyne Xasan Sheekh ayaa dhankiisa bogaadiyay dadaallada SSC-Khaatumo ay ugu jirto nabadeynta iyo horumarinta deegaannadeeda, isagoo xusay in dowladdu ay diyaar u tahay in ay sii xoojiso wada-shaqeynta iyo taageerada la siiyo dhammaan maamul-goboleedyada dalka.
Kulankan ayaa imaanaya xilli dowladda federaalka ay dadaal dheeri ah ku bixinayso wadashaqeynta maamul-goboleedyada iyo xoojinta nidaamka federaalka si lavatory gaaro xasillooni waarta iyo horumar qaran.
