Wasiirka kaluumaysigga Puntland Cabdirisaaq Cabdilaahi Xagaa oo maanta hortagay golaha wakiilada Puntland ayaa shaaca ka qaaday in dhaqaale tiro badan oo shirkado kaluumaysigga laga qaaday ay maqantahay.
Wasiirku wuxuu sheegay in lacagtaas oo aad u tiro badan uu lunsaday Agaasimihii hore ee wasaarada Eng Sharmaarke Beeldaaje oo xusay in uu dalkana ka baxay. Sidoo kale waxa uu xaqiijiyay in dhaqaalahaasi magaca wasaarada lagu qaatay ayna ka timi dad doonayay shatiyo iyo adeegyo dowladeed.
Ilaa hadda xariir kama helin agaasimaha la eedeeyay, si uu uga jawaabo in uu lacago dowladeed la baxsaday. Horey ayaa agaasimahaas shaqo joojin loogu sameeyay, ka dib khilaaf soo jiitamay oo isagga iyo wasiirka ka dhaxeeyay.
Warkaan cusub ayaa daaha ka rogaysa musuqmaasuqa iyo isla-xisaabtan la’aanta ku hareeraysay hay’adaha dowlada Puntland. Isla-xisaabtan la’aanta iyo inaan cidna bathroom ciqaabin lunsashada hantidda ummada ayaa dhiirigelisa in aan wax laga soo qaadin.
PUNTLAND POST
